เนื้อเพลง คิดฮอดรอกอดแม่ โดย หนูนา หนึ่งธิดา โสภณ

ก่อนนอนคึดฮอด บ่ได้กอดแม่นานแค่ไหน
จากวันห่างบ้านมาไกล เฮ็ดงานในเมืองสวรรค์
อยู่ห้องมอซอ ที่พอซุกหัววันวัน
เจียมตนคนชั้นแรงงาน รายได้ทางบ้านยังคอย

ชีวิตปอนๆ ถูกความจนไล่ต้อนเข้ามุม
ทุกวันปัญหาล้อมรุม ต้องสู้ด้วยใจเกินร้อย
ลบความเหนื่อยล้า ด้วยคำแม่ว่าอย่าถอย
รอหวังเก็บตังค์สักหน่อย บอกแม่คอยวันคืนนา

หยุดเทศกาล เพื่อนเขากลับบ้านโฮแซว
ส่วนเราทนเหงาใจแป้ว มองส่งสุดโค้งแนวฟ้า
อยากรีบกลับไป เบิ่งทุ่งดาวใสบ้านนา
รายได้บ่พอภาระ บ่ถึงเวลายังเมือบ่ได้

ก่อนนอนคึดฮอด อยากกลับไปกอดแม่แฮงๆ
อยากหอมกลิ่นเสื้อกะแลง
ร่วมวงพาแลง กินแกงหน่อไม้
กลิ่นหอมฮีนๆ บ่เคยลืมแม้มาอยู่ไกล
รอวันที่กลับนาไป กินแกงหน่อไม้ฝีมือของแม่

ก่อนนอนคึดฮอด อยากกลับไปกอดแม่แฮงๆ
อยากหอมกลิ่นเสื้อกะแลง
ร่วมวงพาแลง กินแกงหน่อไม้
กลิ่นหอมฮีนๆ บ่เคยลืมแม้มาอยู่ไกล
รอวันที่กลับนาไป กินแกงหน่อไม้ฝีมือของแม่